Skip to main content

China: 'Ukinunua iPhone 7 umejifuta kazi!'........//

Kampuni kadha nchini Uchina zimetoa onyo kali kwa wafanyakazi wake na kuwataka wasinunue simu mpya ya kampuni ya Apple, iPhone 7.
Kampuni zilizotoa marufuku hiyo zinasema ni kwa sababu za kizalendo.
Nyingine zimesema zinataka kuwafunza wafanyakazi wake kutopenda sana raha na anasa za dunia.
Kampuni ya dawa ya Nanyang Yongkang Medicine, katika mkoa wa Henan, ni moja ya zilizoagiza wafanyakazi wake kutonunua simu za iPhone 7 au Iphone 7 Plus.
"Ukivunja agizo hili, njoo moja kwa moja hadi afisini na utukabidhi barua yako ya kuacha kazi," ilani kutoka kwa kampuni hiyo iliyotumwa kwa wafanyakazi inasema.
Image copyright Weibo
Image caption Baadhi ya wafanyakazi wanasema barua ya kampuni hiyo inakiuka haki za wafanyakazi
Sera hiyo imetangazwa wakati sambamba na siku ya maadhimisho ya miaka 85 tangu wanajeshi wa Japan walipovamia maeneo ya mashariki mwa China mwaka 1931.
"Septemba 18 ni siku ya kihistoria. Msisahau tulivyodhalilishwa kama taifa. Hebu tususie bidhaa kutoka nje ya nchi," ilani kutoka kwa kampuni hiyo iliongeza.
Tovuti moja imemnukuu msemaji wa kampuni ya Nanyang Yongkang Medicine kwa jina Bw Liu akisema lengo la agizo hilo ni kuwahamasisha pia wafanyakazi kuangazia zaidi familia badala ya vitu vya anasa.
Barua hiyo ilisambazwa sana katika mitandao ya kijamii CHina, na kitambulisha mada "Wafanyakazi watakaonunua iPhone7 kufutwa" kilivuma katika mtandao wa Weibo.
Baadhi ya watu kwenye Weibo hata hivyo wameeleza kwamba kususia iPhone7 huenda kukawa kunawadhuru Wachina wenyewe kwani uzalishaji wa simu za Apple hufanywa katika viwanda vya kampuni ya Foxconn nchini Uchina.
Kwenye Weibo kumesambazwa pia picha za barua ya hospitali ya Fuling Xinjiuzhou Gynecology Hospital mjini Chongqing ambayo inawaonya wafanyakazi wasinunue iPhone7.
Barua hiyo inasema: "iPhone 7 imeanza kuuzwa sokoni na bei yake ni ya juu mno ukilinganisha na simu nyingine. Ili kuendeleza utamaduni kwa kutopenda matumizi ya anasa na kutumia pesa kwa busara, wasimamizi wa hospitali wamefikia uamuzi wa kuwapiga marufuku wafanyakazi wetu wasinunue simu za iPhone7."
Barua hiy inaongeza kwamba wanatakaokiuka agizo hilo hawatapewa alama za juu katika utathmini wa utendaji kazi wao.
Aidha, watahimizwa kurejesha simu hizo madukani.
Meneja wa hospitali hiyo ameambia BBC Trending kwamba hatua hiyo ilichukuliwa baada ya mfanyakazi mmoja kununua iPhone 7 ilhali inajulikana kwamba bei ya simu hiyo ni mara tatu mshahara wake.
"Sipingi bidhaa kutoka nje lakini sipendi watu wakinunua simu ambazo bila shaka hawawezi kumudu kifedha. Baadhi ya watu hukopa pesa benki au kutoka kwa jamaa na marafiki, na wengine hata huuza viungo vyao kununua iPhone. Sitaki wafanyakazi wangu wafanye mambo kama hayo," amesema.
Baadhi ya watu wanaotetea uzalendo wa Wachina wamekuwa pia wakipinga simu za iPhone kuonyesha kutoridhishwa kwao na uamuzi wa jopo la kimataifa uliosema China haina haki ya kumiliki visiwa ambavyo imekuwa ikidai katika bahari ya South China Sea. Rais Barack Obama aliitaka China kutii uamuzi huo.
Image copyright Weibo
Image caption Baadhi ya watu waliharibu simu zao za iPhone kuonyesha uzalendo
Video za watu wakiharibu iPhone zao kuonyesha uzalendo zimevuma sana mtandao wa Weibo.
Baadhi ya maduka China pia yamekataa kuuza simu za iPhone7 kama sehemu ya kususia bidhaa kutoka Marekani.BBC.
Labels:

Comments

Post a Comment

Popular posts from this blog

Fedha za nchi 7 kutoka Afrika ambazo zina thamani zaidi.!

Kuna baadhi ya nchi nyingi barani Afrika ambazo fedha zake zimekuwa maarufu kutokana na uchumi wake kuwa mkubwa na zipo nchi nyingine ambazo pamoja na kuwa na watu wengi kwenye miji yao lakini bado fedha inakosa thamani. Nguvu au thamani ya fedha inaweza kupimwa kwa uwezo wa kununua, kuonyesha jinsi uchumi wa nchi husika unavyokuwa kwa kulinganisha na nchi nyingine duniani.  Leo April 1 2017 nakuletea list ya nchi saba kutoka Afrika ambazo fedha zake zina nguvu na thamani kubwa kuliko nchi nyingine. 7: Rand – Afrika Kusini (1$=14) Ukiiweka kando Nigeria nchi nyingine ambayo uchumi wake una nguvu ni Afrika Kusini ambapo hata hivyo kutokana na mgogoro wa kiuchumi kimataifa, thamani ya Rand imekuwa ikiporomoka thamani yake kutokana na kupanda kwa Dolla ambapo sasa unaweza ukabadilisha Dola moja kwa Rand 14. 6: Pula – Botswana (1$ = 10.8) Pula ndiyo fedha ambayo inatumika katika nchi ya Botswana ambayo uchumi wake mkubwa unatokana na mapato yatokana...
Post a Comment
Read more

BWANA KELVIN NOVAT ATEULIWA KUWA AFISA MAHUSIANO MPYA.

Afisa mahusiano mpya  katika chuo cha uandishi wa habari na utangazaji AJTC Arusha, bwana Kelvin novat amesema kuwa katika kazi yake hiyo aliyoachiwa na aliyekuwa afisa mahusiano bwana Salum Juma Langa ataifanya kwa ufasaha kama inavyo takiwa. Afisa huyo mpya aliyetuuliwa mapema jana na bodi ya radiokatika chuo hicho  na kutangazwa na aliyekuwa afisa mahusiano bwana salum juma lanaga amesema kuwa hana shaka na utendaji wa kazi yake. bodi hiyo ya radio imemteua Bwana Kelvin novat kwa kipindi cha muda mfupi mpaka hapo Afisa huyo wa awali atakaporudi baada ya  kutoka likizo ya muda mfupi hapo mwezi septemba mwaka huu. sambamba na hayo Bwana kelvin amesema kazi hiyo ameyopewa sio ngeni kwake kwani alishawahi kuifanya hata kabla ya kuja chuoni hapa jambo linalomfanya kumpa motisha juu ya utendaji wa kazi yake. Afisa huyo mpya alieteuliwa kwa muda licha ya yeye kuwa na uwezo na uzoefu na kazi hiyo amesema pia anaitaji ushirikiano na wanafunzi chuoni hapo ili kuepuka kusum...
Post a Comment
Read more

Uteuzi mwingine wa Rais Magufuli leo September 20 2016

Leo September 20 2016 taarifa iliyotolewa Ikulu Jijini Dar es Salaam na Katibu Mkuu Kiongozi Balozi John Kijazi imeeleza kuwa Rais wa Jamhuri ya Muungano wa Tanzania Dkt. John Pombe Magufuli, amemteua Luteni Kanali Mstaafu Haroun Ramadhan Kondo kuwa Mwenyekiti wa Bodi ya Shirika la Posta Tanzania. Uteuzi wa Luteni Kanali Mstaafu Haroun Ramadhani Kondo umeanza tarehe 05 Septemba, 2016.  Luteni Kanali Mstaafu Haroun Ramadhani Kondo anachukua nafasi iliyoachwa wazi na Dkt. Yamungu Kayandabila ambaye amemaliza muda wake.  Wakati huo huo , Rais Magufuli amemteua Dkt. Hedwiga Francis Swai kuwa Mwenyekiti wa Kamisheni ya Tume ya Kudhibiti UKIMWI Tanzania (TACAIDS) kuanzia tarehe 05 Septemba, 2016.  Dkt. Hedwiga Francis Swai ni Mkurugenzi wa Huduma za Tiba Hospitali ya Taifa Muhimbili.  Katika hatua nyingine , Rais Magufuli amemteua Balozi Ladislaus Columban Komba kuwa Mwenyekiti wa Bodi ya Wakurugenzi ya Kituo cha Kimataifa cha Mikutano Arusha (AICC) ...
Post a Comment
Read more